- فالكَنينٌ .

2023-03-27 02:25:44 فينا بعيد الهونة
اغيابة يقرظ كيف سم اعيونة
سامرين منة غير ياما دونة
سمور في الظلام اوفالنهار شراقا
واليوم كل حد منا ابقي في جونة
وصاف الغلا طاحن اطياح اورقا
اولاهي كل حد ياخوي في وشونة
ورضي بنصيب وخلطتا لوراقا
احضيبة سعيد الحظ بو فرتونة
الي في الغلا لا لة جمل لا ناقة

فينا عزيز اشواقه
عليك بصر دارن كي سواد ارماقه
ما هوطن Aberto / Como

2023-03-23 05:15:07 الله يرحما عاش عصران
شهير محوره بين القبايل
اولا يقول قالي افلان
اولا يسال في قول قايل
وانكان عاشرك خوذ لامان
بعيد عالخطا والزلايل
هذا اركيبه دار دخان
موش ذود والله زوايل Aberto / Como

2023-03-19 01:31:16 ما فيه كيف رزق الحلال .. ولا كيف العصر فيه غايا
و ما فيه كيف وسعة البال .. و را الصبر مالمولى اهدايا
ولا القرد جا كيف الغزال .. ولا الصقر و البومه سوايا
ايش دار للوطا ويش شال .. علي ما حفر بو عمايا
و لجواد موش كيف لنذال .. فرق السما و الوطايا
و لا الفارس ايرد ذلال .. انكان صار سوق البلايا
و كلمة الحق تنقال .. سوا لي ولا احذايا
و لازم انكون حمال .. ان جا العيب ملي ادمايا
و لا كل شي راه بالمال .. و ما انرافقو اخباث النوايا
و حشا اوجوهكم يا العقال .. انكان قلت حجة خطايا
و امفيت لله الكمال .. و عالم اسرار الخفايا
نا هضا ما بوي قال .. و نا منا خذيت الوصايا . Aberto / Como

2023-03-15 03:25:06 في ناس ودك ف الحياة اتصاحبها
وفي ناس تضـــايق بعــــد تلقاهم
وفي ناس طول العمــر ما تسيبها
وفي ناس مايثمــر الخير معاهــم
وفي ناس ديما خاطــرك تكسبها
وفي ناس تفـــرح وين ماتنساهم
وفي ناس ديمــــا ف الغلا ترغبها
وفي ناس ماتضمن ايدوم غلاهم
وفي ناس تجنى خير من مذهبها
وفي ناس تذهب لو خذيت اراهم
وفي ناس تزهـــى وين ماتقـــربها
وفي ناس ماتعبى عليه اعباهــــم
وفي ناس تمشى او فاقده مركبها
وفي ناس ماتركـــب مغير وراهـــم
وفي ناس عنــــد الجــــود ماتغلبها.
وفي ناس ديما البخل ما ايخطاهم
وفي ناس تاخـــــذ قـــدر لو تجربها
وفي ناس وقت الضيق ماترجـاهم
وفي ناس تلقى فخــــر لوتناسبها
وفي ناس تندم كان قلت اسماهم Aberto / Como

2023-03-12 02:39:50 امغير الهم توا امغير بآن..
وشآب الراس ونكمى من زمان..

نا ويا العين..
مو من توا نكمو من اسنين..
اعطينا عزم يفلق فالمتين..
ما من صم جاه الصبر لآن..
اعطينا عقل هيّالك عوين..
عوين اتقول جرّب لوطيان..
حطبنا شوق وارياف وحنين..
و حلم وصبر و مواجع زمان..
او عيب وظلم و فواهق كنين..
و حس و ألم و اهآت و احزان..
وخاطي ظلم نآس اقريبين..
إلاّ مالوقت مذبوغ اذبغان..

توا مغير بآن امغير الهم Aberto / Como

2023-03-11 02:49:28 خليــك بيــن النــاس فاعــل خيـــر
والعمــر مهمــا طــال راه قصــــير
خليـــــك ديمــــــــة صافــــــــــي
كيــف العسـل للنـاس حلــو وشافــي
لا تهيـن غيــرك ولا بشــر تكافـي
مهمــا حصــلك مـــن قــلال الخيـــر
ولا تخـون من خانك وخلك وافي
ولا تبيـــع حـــق النـــاس بالتزويـــر
خــــــــــــــلك عــــــــــــــــــادي
مهمــا عــلا شانــك جميــلك بــادي
راهــــا الدنيـــــا مالهـــــــا ودادي
ولا يهمهــــــا كنـــــاس ولا وزيــــــر
تبــرم بعـد زهوات جـاي وغــادي
بعــد العــلاوي تحذفــك فــي البيـــــر
خليــك بيــن النــاس فاعــل خيـــر
والعمــر مهمــا طــال راه قصــــير ... Aberto / Como

2023-03-09 15:03:18 صيورهم يجوني غير مايلقوني
اللي سيبوني وين ضاق الحال
خذوا عهد وافي من بنادم صافي
كلام شُور واثق موش قولة قال
عارفهم نياهم هن اسباب جفاهم
مغير نا اللي مازلت واسع بال
شراب المناهل ما يجي بالساهل
يريد صبر حتى لو زمانا طال
وقاعد نراجي فيك يافراجي
يردن سنيني في زها ودلال
اساع كل جافي له جفاه نكافي
ونود الودايد والافعال امثال ... Aberto / Como

2023-03-07 02:24:54 لاني بلا عيب عياب .. ولاني مع صف والي.
ولا نكون للشر منشاب .. ولا للعوج يندعالي.
ولا عادتي بيع لاصحاب .. ويرخص لهم كل غالي.
ولا تروعني كشرة الناب .. ولا نندقر في اسوالي.
قول حق ولزوم ينجاب .. بعيد ع الفخر والتعالي.
غير العلل تم يذاب .. وجاني ونا طرف خالي.
انكان بينكم بخش لهلاب .. لا ايطب لي في نزالي.
وصاحب الخطا يحسب عقاب .. ليّام الدهر والليالي.
قدر الرفق والعزا خاب .. وعدا هبا راس مالي.
اليوم شاطبه كشف الحساب .. وما يهمني في اجمالي. Aberto / Como

2023-03-06 14:06:48 ماني وطا تحرثني

ولاني سبية كل حد يارثني
راجع احسابك كان ما تعرفني
ماني الثامة سو في علودك
ولاني امبيت كي تجي تعزفني
ونريد جبر نسلطن معا منشودك
ااااايسد الزمان الي هلب تلفني
ماعد ادماغي يقتبل في كودك
امغير حس خافي في كنين خطفني
لا والنبي ما نكرهك في عووودك

ماني وطاة اجدودك مرات ياعزيز ايخيبك مقصودك ما نمتلك Aberto / Como

2023-03-05 12:43:08 قادر ايفك اعقدها
اتروق روقه الساعة تسير وحدها
من غير عرعزة
ايفك عقلها...يطلق سراحها تسلك ايحيد كسلها
خالق رواسي لرض ومثقلها
ورافع سماها ما عمود سندها
عالم دريج النمل ومسجلها
ومفرز الغاة الطير ما مقصدها
وعالم نباتات الارض ومشكلها
بيده يزيد الريح ويخمدها
وعالم اعداد الناس هي وعملها
ومقسم ارزاق الكاينات جردها
ضنك يريد يغلب كي يعدلها
مغير كل حاجة تنتظر موعدها Aberto / Como