#صراحة واگف بالصور ، شتريد ننتخبك ؟!! .. سويت المضن ، من أ | مصطفى جبار سند

#صراحة

واگف بالصور ، شتريد ننتخبك ؟!! ..
سويت المضن ، من أجل مصلحتك

گطنه وشيلها ، مانقنع احنه بهاي ..
كلاواتك فُنش ، معروفة سالفتك

مُبتَز ، مُستَغِل ، مدهون ، هنه هواي ..
وفوگاهن بعد والطشه كاتلتك

كوسوفي ، وطفل ، والويص وي الطوط ..
دورلك صنف وإلعب وشاكلتك

يتيم وهَم سَمَند وإيطاري هم انوب ..
حاويهن هذن وتطالب بحصتك ؟!!
.. .. .. .. ..

#عُذراً

#عُذراً #ياسَند كل ذني ماهن بيك ..
وكل ذاك الوصف مالحگ راحلتك

أنتَ الخير كله وأنتَ كل الخير ..
وأنتَ ربات گاعك ، عون طايفتك

توگف بالشمس حتى الظُلامة تزول ..
وتچويك الحرورة الـ هِيه صاحبتك

ماتهتم لهذا وذاك من يحچون ..
ماضي ومايهمك قول ناقدتك

ضرباتك صدگ ماهنَّه مچذوبات ..
تكتلهم وجع، وتزيد مفخرتك

ياريت النسو هَم مثلك يصيرون ..
چا صرنه ببلد مابيه حاسدتك

#شجاع #ومفخرة #ونوماس وأحسن شيء ..
إبن هذا الجنوب اللايذ إبختك

أنتخبك بعد ، لو ألف مرّة تعود ..
وأصبغلك عَشر ، من نفس شاكرتك .

ملحوظة
ــــــــــــــ :
1- راحلتك .. بمعنى حذائك أجلكم الله .
2- طايفتك .. بمعنى أبناء جلدتك ولانقصد بها ما عُرف عنها طائفياً أبداً